Сите добро се сеќаваме на тој 27.3.2021 година, УФЦ 260 го предводеа Стипе Миочиќ и Френсис Нгану во нивниот голем реванш, со голем притисок врз Стипе да го повтори она што му го направи на Френсис во првата борба. Сепак, тоа не се случи.
Веќе во втората рунда од борбата Нгану го нокаутира Миочиќ и му го одзеде шампионскиот појас во тешка категорија. Тоа беше пред три и пол години, а тоа беше и последен пат кога го видовме Стипе во кафезот.
Три и пол години е многу долг период во секој спорт, особено во боречките вештини. Многу од познатите борци и шампиони на денешницата не беа ни под покровителство на УФЦ тој ден, а Стрит адвокат ММА се потруди да избере неколку од најпознатите имиња кои не беа ни промовирани во тој март 2021 година. На списокот се и тројца актуелни шампиони:
Борци кои сè уште не беа дел од УФЦ кога Миочиќ последен пат настапи
Алекс Переира
Илија Топурија
Дрикус ду Плесис
Матеуш Гамрот
Шавкат Рахмонов
Манон Фиорот
Умар Нурмагомедов
Мајкл Чендлер
Педи Пимблет
Беноа Сен Дени
Иан Мачадо Гари
Џек Дела Мадалена
Секој од овие борци остави свој белег во овој прилично долг период, а некои од нив освоија и шампионски титули. Алекс Переира, Дрикус ду Плесис и Илија Топурија ги направија своите кариери успешни во тој период, а се уште го чекаме одличното враќање на Стипе Миочиќ од третиот месец од 2021 година.
Ова е многу интересна листа, а воедно пренесува и колку многу се случило додека Стипе бил отсутен. Се надеваме дека до крајот на 2024 година ќе има голем меч против Џон Џонс и ова чекање ќе заврши, а секако би било интересно да се види каков стипе ќе се појави по ваквото отсуство од октагонот.
