Австралискиот тешкаш Џеј Опетаја му порача на Тајсон Фјури сериозно да го сфати реваншот против Aлександaр Усик, кој е закажан за декември, бидејќи само така може да му се закани на Украинецот.
Во средината на мај Усик го победи Фјури со поделена одлука на настан во Ријад и ги обедини појасите на шампионот во тешка категорија.
Кралот на Ромите одлично го започна мечот и водеше на картичките до 9. рунда кога беше соборен, а потоа се се смени и Усик стигна до најголемата победа во кариерата.
„Изгуби, врати се во салата и подготви се подобро. Сите заедно станете добар тим. Не треба да менувате тим само затоа што нешто тргнало наопаку, тоа е апсолутно глупаво. Ако нешто не функционира во тимот, тогаш тоа треба да се коригира навреме“, изјави Џеј Опетаја.
Австралискиот боксер во крузер категорија е спаринг партнер на Фјури, кој беше дел од таборот на Џипси Кинг на почетокот на годината.
