Рајан Бадер ја одбрани титулата против Чејк Конго, Ромеро со прекин го победи Полиси

Рајан Бадер го одбрани шампионскиот појас на Белатор во тешка категорија. Американецот со едногласна одлука на судиите го победи домашниот борец Чејк Конг на настанот Белатор 280 во арената Акор хотелс во Париз.

Тоа беше нивниот реванш од септември 2019 година кога нивниот меч беше поништен поради брцање со прст во окото.

Бадер со одлична тактика стигна до 30-тата победа во кариерата, притискајќи го Конго во текот на целата борба и контролирајќи го во клинч. Ја доби предноста кај сите судии (50-45, 50-45, 50-45).

„Ако сакаш да се бориш во ММА, треба да знаеш да се бориш, тоа е првото и најважно. Не сакав таква борба, но отиде во таа насока. Знам дека натпреварот не беше спектакуларен, но важно е што победив“, изјави Рајан Бадер.

 

View this post on Instagram

 

A post shared by Bellator MMA (@bellatormma)

Но затоа останатите мечеви од воведната програма донесоа многу возбудувања. Во конасловната борба Јоел Ромеро со прекин во третата рунда го победи Алекс Полиси, а на ист начин и Дејви Галон беше подобар од Бенџамин Брандер, кој во втората рунда го совлада противникот.

 

View this post on Instagram

 

A post shared by Bellator MMA (@bellatormma)

Лоренц Ларкин го победи Кајл Стјуарт со прекин во првата рунда, а Грегори Бабене го нокаутира Мајк Шипман по нешто повеќе од две минути.

Резултати од Белатор 280:
Рајан Бадер – Чејк Конго – едногласна одлука на судиите (50-45, 50-45, 50-45)
Јоел Ромеро – Алекс Полиси – ТКО, Р3 (4:59)
Дејви Галон – Бенџамин Брандер – ТКО, Р2 (3:18)
Лоренц Ларкин – Кајл Стјуарт – ТКО, Р1 (4:44)
Григориј Бабене – Мајк Шипман – КО, Р1 (2:11)

Воведни борби:
Пјотр Ниџиелски – Педро Карваљо – поделена одлука (28–29, 29–28, 29–28)
Тибо Гути – Луис Лонг – едногласна одлука (30-27, 30-27, 30-27)
Џордан Бартон – Фабакари Дијата (28–29, 29–28, 29–28)
Сорен Бак – Чарли Лири – едногласна одлука (29-28, 30-27, 29-28)
Ив Ланду – Гевин Хјуз – ТКО, Р1 (3:01)
Луси Берто – Катаржина Садура – едногласна одлука (29–28, 30–27, 30–27)
Јусеф Уабас – Матие Дукло – ТКО, Р1 (4:17)
Бурама Камара – Виктор Вершере – КО, Р1 (3:06)

ПОВРЗАНИ ВЕСТИ

ПОПУЛАРНО