Крај на шпекулации за следниот најдолгоочекуван дуел во боксот во тешка категорија вопрофесионалниот бокс. Светскиот боксерски совет (ВБЦ) официјално нареди реванш меч меѓу шампионот Дионтеј Вајлдер и предизвикувачот Тајсон Фјури, со што се исклучува варијанта некој од двајцата да се сретне со Ентони Џошуа на 13 април.
За сите фанови на боречките спортови беше јасно дека по контроверзниот нерешен резултат меѓу Фјури и Вајлдер на 2 декември минатата година, реваншот е неизбежен. Сепак, сега со одлуката ВБЦ ја поддржува идјата тој да биде моментален и двајцата да не одржуваат други борби пред нивниот дуел.
🚨 Fight ordered 🚨#WilderFury2 has officially been ordered by the WBC.
• Deadline for free negotiations is February 5th
• If parties can't come to an agreement it will go to a purse bid
• If it does go to a purse bid then it will be a 60/40 split in Deontay Wilder's favour pic.twitter.com/kVA8QWXMBR— Boxing on TNT Sports (@boxingontnt) January 16, 2019
Промоторот на Фјури Френк Ворен неодамна ја објави намерата реваншот да се одржи пред јуни оваа година, а дестинацијата веројатно повторно ќе бидат САД, но не Калифорнија. Исто така двајцата боксери се уште не се договориле за распределбата на финансиските приходи од средбата која со љубопитност ја чекаат боксерските фанови, но не би требало многу да губат време во преговори.
По Правилникот на ВБЦ двајцата треба да стигнат до договор за реваншот до 5 февруари, а инаку приходите ќе бидат поделени 60-40 во корист на шампионот Вајлдер.
