Теренс Крафорд откри зошто му ги вратил појасите на Канело по борбата

Теренс Крафорд и Канело Алварез покажаа големо почитување еден кон друг по исцрпувачката борба од 12 рунди минатиот викенд на стадионот „Алеџијант“ во меч за неоспорната титула во супер средна категорија.

Непоразениот 37-годишен Крофорд испиша историја со неверојатна победа и стана првиот боксер во ерата на четири појаси што стана апсолутен шампион во три различни категории на тежина, освојувајќи ги титулите на Канело во ВБЦ, ВБА, ВБО и ИБФ во катгеоријата во која владее веќе пет години.

Мексиканската мега ѕвезда изгледаше скршено во соблекувалната по борбата, прегрнувајќи ги сопругата и ќерката, а за време на прес-конференцијата ги пофали вештините на Бад и изјави дека Крофорд е подобар од Флојд Мејведер Јуниор, од кого исто така загуби пред 12 години.

Во еден момент за време на прес-конференцијата, Крофорд влезе во салата, двајцата повторно покажаа меѓусебно почитување, а Бад му ги врати појасите на Канело. Боксерските организации ќе му ги подарат на Крафорд новите појаси до крајот на годината.

Classy Terence Crawford shows respect to Canelo Alvarez ❤️ pic.twitter.com/XuI5Dvsq1g

— Sun Sport (@SunSport) September 14, 2025

„Ова се негови појаси и тоа е прашање на почит. Имам многу почит кон Канело, јас сум негов обожавател“, рече Теренс Крафорд, објаснувајќи зошто го направил тоа лично:

„Отсекогаш сум бил обожавател на Канело и навистина сакав лично да му ги вратам појасите. Не сакав некој од мојот тим да го направи тоа, сакав јас да бидам тој што ќе му ги врати“.

Одличен гест од голем спортист, легендарен шампион и еден од најдобрите боксери на денешницата, Теренс Крафорд.

Terence Crawford reveals why he handed Canelo his belts back:

“Those are his titles… I got a ton of respect for Canelo.

I wanted to be the one to give him back his belts. I didn’t want my team to hand him back his belts.” 🤝

🎥 @PatMcAfeeShow pic.twitter.com/mrtgEp5BpD

— Championship Rounds (@ChampRDS) September 15, 2025