„Златниот гонг“ му припадна на Денај Кристијан (-91 кг)од Албанија, воедно, и најдобариот боксер на турнирот.
Најдобар странски боксер е Радослав Пантелеев од Бугарија(-81кг), награда за најдобар техничар доби Буатси Јочуа од Англија, а најуспешен тренер е Валентин Поптолев од Бугарија.
Амет Еминовиќ (БК Баргала) е единствениот македонски боксер кој се закити со медал по финалните борби на „Златениот гонг 2014“. Тој во бантам категорија (-60 кг) го совлада Романецот Лазар Михаи, а тоа му го донесе и трофејот за најдобар македонски боксер, во финалната распределба на признанијата.
Покрај Еминовиќ, македонските бои во финалните борби ги бранеа и Димитар Ташков (-81кг), Бојан Ристески (-69кг), Идриз Билсими (-52кг), Сашо Лескароски (-69кг), Илчо Јоноски (-91кг) и Исак Сулеман (46-49 кг).
