Чешкиот борец Јиржи Прочаска доби можност да се бори за титулата по само две борби за најголемата светска ММА организација.
Своето деби во УФЦ го имаше во јули 2020 година кога го нокаутира Волкан Оездемир на почетокот на втората рунда, а во мај минатата година го победи Доминик Рејес, исто така со нокаут во втората рунда.
Чешкиот самурај следниот викенд ќе се бори за појасот во полутешка категорија против бразилскиот шампион Гловер Тешеира.
Нивниот судир ќе го предводи настанот УФЦ 275 што ќе се одржи во Сингапур.
Во конасловната борба за титулата Киргистанката Валентина Шевченко по седми пат ќе се обиде да ја одбрани титулата во мува категорија против Бразилката Таили Сантос.
Легендарниот УФЦ борец Жорж Сент Пјер ги пофали вештините на Јиржи Прохаска, и најави дека Чехот наскоро ќе ја освои титулата.
„Тој е многу опасен борец и одличен удирач, но се уште не сме го виделе како се снаоѓа во борбата на земја. А тој немаше ни шанса – рече Жорж Сент Пјер и додаде:
„Многу борци одлично ги кријат своите недостатоци, па љубопитен сум да видам какви ќе бидат во следните борби. Но, она што го покажа досега е многу импресивно. Мислам дека тој е иден шампион на УФЦ“.
Чехот беше воодушевен од изјавата на ЖСП, а се надева дека против Тешеира ќе покаже дека е најдобар.
„Жорџ е голем борец бидејќи се уште тренира. Тој веќе не е активен борец, но продолжува да тренира и ужива во тоа. Сакам да се борам, а тој ме пофали за ова“, истакна Јиржи Прохаска.
