Претседателот на УФЦ, Дана Вајт, објави дека Колби Ковингтон ќе биде следниот предизвикувач за титулата во полусредна категорија.
Леон Едвардс пред десет дена повторно го совлада Камару Усман во реваншот и го одбрани златниот појас.
Но, бразилскиот борец Жилберт Барнс се надева дека со победата над Хорхе Масвидал на настанот УФЦ 287 што ќе се одржи во Мајами на 8 април, би можел да добие борба за титулата наместо Ковингтон.
„Сигурен сум дека можат да го украдат шоуто и да ги натераат сите да размислат за следниот предизвикувач. Се зависи од мојот настап против Масвидал, ако доминирам и го завршам. Колби не можеше да го направи тоа во последната борба, а на Усман му беа потребни и седум рунди. Ако го победам Масвидал во првите две рунди, тој би можел да се надева дека ќе се бори за појасот. Ќе видиме. Верувам дека можам да го завршам Масвидал“, изјави Жилберт Барнс и додаде:
„Помина речиси една година откако Колби го победи Масвидал. Во последните четири натпревари има две победи и два порази. Се зборуваше дека требало да се бори со Чимаев откако не успеал на мерењето, а се зборувало и за Рахманов. Тоа никогаш не се случило. Колби е паметен, но не знам зошто УФЦ му дава можности. Се надевам сега дека тоа нема да се случи“.
