The Ultimate Fighter се уште не е ни започнат, а Конор Мек Грегор веќе е вмешан во скандал.
Суперѕвездата на УФЦ е тренер на борци кои ќе се борат за договор со УФЦ. Од другата страна, ќе тренира и Мајкл Чендлер, а на крајот од сезоната ќе ги одмерат силите со Мек Грегор во лесна категорија.
Веќе се објавени имињата на натпреварувачите, а неколку луѓе се пожалија дека Мек Грегор брка борци за да донесе свои луѓе. Жилберт Барнс откри дека неговиот соборец бил исфрлен од ТУФ за Мек Грегор да може да направи простор за своите пријатели.
Преку Твитер, поранешниот предизвикувач за титулата во полусредна категорија откри дека ветеранот на ПФЛ, Лоик Раџабов, заминал во Вегас да се натпреварува на ТУФ. На крајот, тоа нема да се случи, бидејќи борецот е отстранет од настанот по налог на Мек Грегор.
„Овој човек е мој соборец! Лоик Раџабов финалист на турнирите во лесна категорија на ПФЛ! Работеше многу напорно и беше подготвен конечно да го добие шанса во УФЦ.
Лоик беше во Вегас, сè е подготвено! Проклетиот Конор ги води сопствените момчиња и тие го избркаа!“, напиша Барнс.
Вреди да се истакне дека Конор Мек Грегор ги негираше наводите дека во шоуто довел свои соборци. Мек Грегор рече дека знае само еден од борците што ќе ги тренира.
View this post on Instagram
