Конечно!
Актуелниот шампион во перо категорија на УФЦ, Конор Мек Грегор, повторно ќе се сретне со Нејт Дијаз на УФЦ 202 на 20 август. Веста е објавена денес за време на УФЦ 199.
Дијаз го победи Ирецот во првата средба на УФЦ 196 со сабмишн во втората рунда.
Тоа е голема вест и за УФЦ, бидејќи имаа доста потешкотии додека да го решат еден од најоптоварените реванши во историјата, а Мек Грегор дури започна подготовки за бокс мечот со Флојд Мејведер.
На УФЦ 202 можеби е најважно учеството на Мек Грегор. За да го задржи својот имиџ на ѕвезда, тој мора повторно да ја подигне тежината и поразмуно да се бори против Дијаз, за да забележи победа. Потоа може спокојно да се врати во перо категорија и да ја одбрани титулата против победникот од мечот меѓу Френки Едгар и Хозе Алдо, кои ќе се сретнат на УФЦ 200.
