„Брзи раце и нозе како Брус Ли“ е насловот со кој германскиот весник „Рајн Маин Екстра тип“ во денешното издание го претставува нашиот голем талент во боречките спортови Кристијан Воденски, кој живее во Германија, а има само 9 години.
Германскиот новинар за Воденски зборува во суперлативи и го споредува со легендарниот Брус Ли, укажувајќи дека тој е еден од најголемите таленти во светот во боречките спортови.
Ќе потсетиме дека пред извесно време ја одби понудата да настапува за германската репрезентација и реши да ги брани само боите на Македонија.
