Александар Волкановски верува дека неговата борба со Чан Сунг Јунг на УФЦ 273 можела порано да биде прекината.
Волкановски успешно ја одбрани титулата во перолесна категорија, запирајќи го Јунг во четвртата рунда со технички нокаут во еден од најдоминантните настапи во неговата кариера. „Великиот“ неколку пати го совлада „Корејското зомби“, но завршните удари на почетокот на четвртата рунда го принудија судијата Херб Дин да го прекине натпреварот.
33-годишниот шампион изјави дека е среќен поради победата, но не е среќен што му требало толку време за да стигне до неа.
„Очигледно дека сум среќен со победата. Сепак, сакав тоа да се случи малку порано. Јунг е многу тврд. Доби силни удари. Навистина му одговара прекарот. Ме болат рацете од удирањето. И покрај целиот адреналин, се сеќавам дека кога го удрив, рацете ме болеа, ударите беа сосема чисти, само му се вртеше и повторно тргна кон мене.
Можеби го зашеметив околу шест пати или повеќе. На крајот, мило ми е што Херб го прекина мечот, бидејќи мислам дека беше повеќе од доволно. Самиот Јунг знаеше дека веќе е поразен. Во ред беше битката да биде прекината и тој да се врати безбеден кај своето семејство“.
Волкановски рече дека знаел дека битката е завршена во третата рунда кога го соборил Јунг со брутална комбинација. Австралиецот со македонски корени токму тогаш се обиде да стави крај, но времето истече и тоа го спаси неговиот противник.
„Во третата рунда сакав да завршам сè. Бев многу блиску, можеби секунди. Но, тој е многу тежок. Но во мирување седеше на подот. Веќе беше завршен. Тој беше поразен. Сепак, стана и се врати во битка.
Неколку пати му кажав на судијата дека е правилно да се прекине борбата. Но, очигледно решил да му даде уште малку шанса, но откако изеде повеќе удари, тоа било очигледно.
Понекогаш луѓето се толку тврди што тоа е лошо за нив. Тие не мора да прават непотребна штета кога ќе видат дека се завршени“.
