Махачев синоќа изјави дека не е против за борба со Конор Мек Грегор, а се чини дека и Волкановски го дели неговото мислење.
Шампионот во перо категорија Александар Волкановски викендов ќе се обиде да го освои вториот појас и двоен шампионски статус, но нема да има лесна задача бидејќи на патот му застанува одличниот Ислам Махачев. УФЦ 284 е на распоред овој викенд, а борбата меѓу двајца од најдобрите борци во УФЦ е нешто што не сакате да го пропуштите.
Покрај тоа, минатата недела беше најавено враќањето на Конор Мек Грегор, кој ќе биде тренер на новата сезона на „ТУФ“ против Мајкл Чендлер. Биспинг веднаш изјави дека во случај на победа Конор веднаш ќе го нападне појасот, а оваа вест вчера со ентузијазам ја дочека Ислам Махачев. Сепак, ниту Волкановски нема ништо против борба со популарниот Ирец:
„Очигледно, секогаш е добро да се врати Конор во нашиот спорт. Носи многу прегледи. Би била навистина забавна борба. Мислам дека е паметно и за двајцата. Паметно е и за Конор, затоа што може да дојде и да се испотепа, силен тип е. Победничка борба е тоа за него, бидејќи и двајцата се бескомпромисни. Ќе биде забавно“, рече Волкановски на прес-конференцијата.
„Победата над Чендлер го враќа Конор во насловната приказна. Сите вие што мислите дека не го заслужува тоа сте луди. Па, тоа е Конор Мек Грегор, и ако собори некој како Чендлер, ќе се спомене неговото име. На крајот на денот, го сакам Мек Грегор. Погледнете ги само бројките што ги поставува. Но, тој секогаш зема тешки противници и добри борци, опасни противници“, додаде шампионот во перо категорија.
Нема сомнеж дека секој борец од листата би сакал да се испроба против Мек Грегор, бидејќи како ден е јасно какви пари може да донесе. Ако навистина го победи Мајкл Чендлер оваа година, речиси е сигурно дека ќе го гледаме против шампионот во лесна категорија, кој и да е после сабота.
