Светскиот шампион во перо категорија на УФЦ, Александар Волкановски и поранешниот носител на појаси во две категории, Хенри Сехудо, изгледа се договорија за борба. Тие имаа краток разговор по победата на Австралиецот со македонско потекло над Макс Холовеј.
„Големиот“ стигна до трета победа против познатиот ривал, а, според се она што се случуваше, нема да гледаме четврт меч меѓу нив. Сехудо потоа се сретна со Волкановски зад сцената, каде што бараше да се соочи со него во октагонот.
„Се е до конкуренцијата. Ако олимписки медал и два УФЦ појаси не се доволни, сакам само да се натпреварувам. Те почитувам. Честитки што си број 1. Само сакам да знам до каде можам да стигнам. Тука сум, ајде да го направиме тоа“, рече Сехудо.
На што тој одговори: „Навистина ми треба некој против кој ќе се спротивставам за да биде поинтересно. Така, можеби ќе го направиме тоа заедно“.
Волкановски има 4 успешни одбрани со појасот. Како шампион најверојатно ќе добие право да го избере следниот противник, а можно е тоа да биде Сехудо.
Challenge extended. 👀
A VERY interesting meeting backstage at #UFC276 between @AlexVolkanovski & @HenryCejudo! pic.twitter.com/s7XjqYGKwv
— UFC Europe (@UFCEurope) July 3, 2022
