На 19 јуни во Скопје мајсторот за винг чун кунг фу, сифу Мирослав Тодоровски –Мирко организира натпревар во винг чун дисциплини, кој имаат демонстративен карактер. Сепак ова е доволен предизвик да се видат натпреварите во повеќе дисциплини, односно борби со сабји, стапови, еден спрема десет противници и други.
Целите и задачи на натпреварување според Мирко се: да се претстави целокупноста, комплетноста, ефикасноста, како и убавината на Wing Chun Kung-Fu; презентација, омасовување и внесување на поголем квалитет во вежбањето, однсоно да се опфатат трите основни групи на учесници во натпреварувањето.
Вежбачи – напредување и мотивираност во самиот тренажен процес; стручни лица – запазување на изведбата и квалитетот на техниката со што и очувување и внесување на поголем квалитет во вежбањето за 21 век и публика – запознавање и едукација преку интересен начин на натпреварување.
Правила и прописи
Натпреварувањето се состои од 4 рамноправни дисциплини (рунди): еднорачно Chi Sao; дворачно (вкрстено) Chi Sao; змаев стап (Chi Kwoon) и демонстрација.
За сите дисциплини се добиваат оцени (бодови). Кој има најмногу поени е победник. Секој натпреварувач мора да учестува во секоја дисциплина.
Еднорачно Chi Sao
Од почетен гард во контакт се одвива слободна борба со една рака. Целта е торзото на противникот. По остварениот поен натпреварувачот се враќа во почетниот гард. Нема „чисти“ удари (без контакт со раката) и се оценуваат чисти погодоци. Како поен се смета и напустање на обележаниот простор како и несоодветна техника. Трае по 30 секунди на едната и другата рака. На крај се добиваат оцени. Обележаниот простор (платформа;ринг и сл.) изнесува 2×2 m.
Дворачно вкрстено Chi Sao
Од почетен гард со една рака во контакт се одвива слободна борба. Целта е главата, торзото и надворешните делови на надколеничата. По остварениот поен, натпреваруваќот се враќа во почетниот гард. По извикот „стоп“ натпреварувачот се враќа во почетната позиција, а по извикот „почни“ се почнува со акцијата. Поен може да биде и излегување од обележениот простор (2×2 m). Трае 1 минута (60 секунди). А по желба со повеќе противници по 30 секунди сукцесивно еден по друг. На крај се добива очена од поените, изведбата и правилноста на техниките.
Змаев стап(Chi Kwoonдисциплина)
На обележан простор (3×3 m) и од почетен гард се одвива слободна борба. Целта се главата, торзото и нозете. По остварениот поен и на знак „стоп“, натпреварувачот се враќа во почетниот гард. А на знакот ПОЧНИ се продолжува со акцијата. Излегувањето од обележаниот простор се казнува со губење на поен. Трае 1 минута (60 секунди) и на крај се добива оцена од поените, изведбата и правилноста на техниките.
Демонстрација
Натпреварувачот одбита техники и начин на изведување на истите исклучиво од елементите на Wing Chun (самоодбрана од еден или повеќе напаѓачи; со оружје или без оружје; форми или слободна кореографија). Трае 1 минута (60 секунди) и се добива соодветна оцена при сто се цени начинот, креацијата и квалитетот на изведбата.
За сите дисциплини се користи соодветна опрема. Предлагам за повисоките степени следниве дисциплини: пеперутка сабји – пеперутка сабји; пеперутка сабји – змаев стап; пеперутка сабји – нунчаку (So Jie); троделен стап – змаев стап; еден натпреварувач – десет натпреварувачи (по 30 секунди).
https://youtu.be/dl5FJ7dPdXE
Ipon.mk/В. Д.
