Македонскиот олимписки комитет (МОК) денес го одбележа Меѓународниот ден на спортот за развој и мир на Обединетите нации, за кој за прв пат се одржа прослава во 2014 година, со што се нагласија искрените напори за развој и градење на мирот преку спортот.
Во соработка со Општина Карпош и ООУ „Братство“ заедно го одбележаа овој меѓународен настан, кој е дел од 200 глобални проекти и настани кои се одржуват во повеќе од 80 држави низ целиот свет. Претходнитер две изданија беа во Тетово и Скопје. Меѓународниот олимписки комитет, како и Здружението на летните олимписки меѓународни федерации, силно ги охрабрија своите членки, националните олимписки комитети и спортските федерации да учествуваат во организацијата на овој настан.
Исто така, од страна на Канцеларијата за спорт на ООН, беше лансирана дигитална кампања за развојот и мирот преку спортот, проект кој го прикажува позитивното влијание на спортот и може да придонесе кон унапредување на човековите права како и да донесе одредени социјални и економски промени.
Ipon.mk/В. Д.
