Спортската личност број 1 на дваесеттиот век – Мухамед Али ќе има уште еден наследник кој ќе се обиде да го заштити легендарното семејство. По неговата непоразена ќерка Лејла Али и внукот Нико Али-Валш, кој добро ја започнува боксерската кариера, сега на дневен ред е уште едно име. Станува збор за братот на Нико, Бјаџо Али-Волш.
23-годишниот внук на големиот Мухамед ќе се обиде да остави трага во ММА кафезот. Тој реши да им сврти грб на деновите како фудбалер на колеџ, како и на деновите на модел, откако се појави во голем број реклами за познати брендови. Наместо тоа, Бјаџо се сврте кон мешани боречки вештини.
View this post on Instagram
Тој вечерва ќе дебитира во аматерскиот синџир „Фјужн фајт лига“. Али-Волш ќе се соочи со Девин Ротвел во првиот меч како ММА борец. Бјаџо започна намерно да тренира на почетокот на пандемијата во пролетта 2020 година и две години подоцна изгледа дека е подготвен да влезе во кафезот.
„Откако решив да не играм фудбал се чувствував збунето и не знаев каде да одам. Почнувајќи од ММА, повторно имам цел. Се издигнав емотивно, физички и психички. Отсекогаш сум бил голем љубител на ММА и боксот, но до пред две ипол години не сум тренирал“, изјави Али-Волш.
Тој додава дека сака да ја задржи семејната традиција и да успее во кафезот.
„Би рекол дека растејќи околу рингот, јас сум напаѓач. Но, мислам дека сум комплетен во секој поглед и можам да изградам позитивности од секој агол. Важно е да не го оцрнам семејството, па ќе има тензија“, изјави Бјаџо.
Неговиот брат Нико има 5-0 во професионалниот ринг.
