Поранешниот светски шампион во бокс во тешка категорија Владимир Кличко објави патриотски статус на социјалните мрежи.
Боксерот е уверен во силата на својот народ и во обединетите сили на Украинците.
„Бидете сигурни: Украина е силна! Има силен главен град Киев, силни градови, села и обединет народ кој ја цени својата слобода, суверенитет и место во Европа. Ќе постои засекогаш. Слава на Украина!“, напиша Владимир Кличко на Твитер.
Неговиот брат Витали е градоначалник на Киев и во раните утрински часови во четвртокот апелираше да се задржи смиреноста меѓу локалното население.
Be sure: Ukraine 🇺🇦 is strong! It has a strong capital #Kyiv, strong cities, villages and a strong solid and united people who value above all their independence, sovereignty and peace in Europe. Its WILL to exist is infinite.
Glory to Ukraine! Слава Україні!— Klitschko (@Klitschko) February 22, 2022
45-годишниот освојувач на златен олимписки медал е една од најпопуларните личности во својата татковина.
На почетокот на овој месец тој се пријави во резервниот состав на армијата.
„Демократијата и слободата немаат цена… Украина сака мир, слобода и суверенитет“, рече тогаш Владимир.
Можно е постариот од браќата Кличко да биде испратен на фронтот.
Резервниот состав се очекува да биде мобилизирана за неколку часа.
