Градоначалникот на Киев и поранешен боксерски шампион во тешка категорија Витали Кличко изјави дека тројца се повредени откако Русија го бомбардираше украинскиот главен град Киев. Владимир Путин нареди офанзива, за која вели дека има за цел да ја собори владата.
Украинскиот претседател Володимир Зеленски изјави дека Украина во четвртокот пријавила 137 жртви и 316 повредени. Видеата објавени од украинските власти покажуваат докази за жестоки борби низ целата земја, со соборени авиони и оштетени тенкови од двете страни.
Кличко, кој постојано велеше дека ќе се бори во првиот ред против Русија, е активен на социјалните мрежи и медиумите. Еве што вели тој во едно интервју за тоа што се случува:
„Според првичните податоци, три лица се повредени, од кои едното е во критична состојба. Ова е резултат на фрагментација на ракета во станбена зграда на улица Кошице 7-А. Брза помош ги превезува луѓето во болница. Сите служби за итни случаи се работи на лице место. Куќата гори, постои опасност од уништување.
Градските власти на Киев прават се за да го заштитат градот. Правиме се за да го заштитиме нашиот град. Издржливост и решителност.
Ова е многу тешка ситуација. Се соочуваме со една од најголемите и најсилните армии во светот. Но, ние мора да ги заштитиме нашите семејства, нашата земја и нашите градови. Немаме друг избор. Украина отсекогаш била мирна земја со мирни луѓе. Но, сега треба да земеме оружје и да се бориме“.
