Виргил Ортиз Јуниор верува дека тој многу повеќе би сакал да биде следниот противник на Теренс Крафорд отколку Канело Алварез.
Непоразениот американски боксер го победи Серхи Бохачук со мнозинска одлука на неодамнешниот настан во Лас Вегас.
Со победата над Украинецот го освои привремениот светски првак појас во супервелтер категорија на ВБЦ.
Крафорд, пак, ја освои титулата на ВБА во истата тежинска категорија, откако го совлада Израел Мадримов.
Вергил изјави дека ги разбира амбициите на Крафорд, но сугерираше дека тој може да биде соодветна алтернатива.
„Крафорд навистина размислува за таа мега борба. Не можам да кажам дека сум поголем од Канело Алварез, но многу сум опасен. И разбирам зошто Крафорд ја сака борбата против Канело“, изјави Вергил Ортиз Јуниор и продолжи:
„Борбата против мене е пореална. Навистина не знам што да мислам. Желбата на Крафорд да стигне до 76,2 килограми е огромен скок. Тој сака да се тестира себеси исто како мене, но … Крафорд само што се искачи на 66,7 кг. И тој сака да се бори со Канело на 76,2 кг… Не велам дека Крафорд нема вештини за тоа, но пореално ми е да го предизвикам Теренс отколку тој да го предизвикува Канело“.
