Рико Верховен, кој е шампион во тешка категорија на Глори, му честиташе на својот добар пријател Френсис Нгану што успешно ја одбрани титулата во тешка категорија на УФЦ.
Холанѓанецот беше еден од борците кои му помогнаа на Предаторот да се подготви за судирот со Гане. Друг спаринг партнер на Нгану беше Бугаринот Благој Иванов – Багата.
„Завршена е неверојатна работа за вас и за целиот тим“, напиша Верховен во приказна на својот Инстаграм профил.
Кикбоксерот сподели импресивна објава на новинарот Ариел Хелвани, во која тренерот на Нгану, Ерик Никсик, го инспирирал шампионот пред последната петта рунда против Гане, верувајќи во него и дека поминале толку многу за да бидат таму – на врвот.
.
Френсис Нгану е во страшна форма откако на последните 6 средби во УФЦ победи со нокаут. Пред да ја брани титулата против Гане тој го нокаутира Стипе Миочиќ на крајот на март 2021 година, со што му ја одзеде титулата. Камерунецот ги победи и Картис Блејдс, Каин Веласкез, Жуниор дош Сантос и Жаирзињо Розенструик. Победата над секој од нив беше постигнат за околу или нешто повеќе од 1 минута.
Вкупниот биланс на Предаторот е 17 победи и само 3 порази (од Дерек Луис, Стипе Миочиќ и Зумана Сисе). Сите победи ги постигна пред финалниот удар во гонгот (12 со нокаут и 4 со принуда).
Верховен, пак, го победи Џамал Бен Садик со TKO во четвртата рунда на Глори 79: Колишн 3. Холанѓанецот ја забележа десетата последователна одбрана на титулата во тешка категорија во кик бокс.
