Боксерот од Украина, Васил Ломаченко, ги загуби шампионските појаси во лесна категорија во октомври 2020 година, откако загуби од Теофимо Лопез.
Осум месеци подоцна се врати со победа против Масајоши Накатана, а подоцна ги победи Ричард Коми и Џемаин Ортиз.
Во мај годинава во неизвесен меч за апсолутниот шампион во лесна категорија, Ломаченко со судиска одлука загуби од Девин Хејни.
Американецот би сакал да ги одбрани појасите на ВБА (Супер), ВБЦ, ИБФ и ВБО против сонародникот Шакур Стивенсон, но се чини дека разговорите заглавија.
Стивенсон неодамна го допре и Ломаченко.
„Еј, Васил Ломаченко. Само почитувај шампион, ти ги заслужуваш појасите, се надевам дека си излечен и се е добро со тебе. Мислам дека е време за вистинска борба на високо ниво. Подготвен сум за големиот шампион, да направиме нешто да се случи“, изјави Шакур Стивенсон.
Но, украинскиот борец се надева на реванш против Хејни, бидејќи смета дека заслужува реванш.
„Шакур, ти благодарам! Добро сум! Но, жал ми е што имам недовршена работа со Девин Хејни“, одговори Васил Ломаченко.
