Шефот на УФЦ, Дана Вајт, уште еднаш проговори за иднината на еден од најдобрите ММА борци, Џон Џонс. Претседателот на најсилната светска ММА организација истакна дека УФЦ ќе продолжи со или без него.
Последната борба Боунс ја имаше во февруари минатата година кога го победи Доминик Рејес, по што реши да се пресели во тешка категорија.
Но, тој бара подобри услови и повисок хонорар пред да влезе во октагонот против шампионот Френсис Нгану.
„Џонс треба да одлучи дали сака да се бори или не. Никој нема да го присили на тоа, бидејќи тој е најдобриот борец на сите времиња“, рече Дана Вајт и додаде:
„Усман е многу блиску до него, но Џонс е најдобар за мене. Тој мора сам да одлучи што сака. Може да победи на меч ова лето, а што се однесува до мене веќе воопшто не мора да се бори. Одлуката е на него“.
Вајт неодамна изјави дека Френсис Нагану веројатно може да го брани шампионскиот појас во тешка категорија на УФЦ во судир против Дерик Луис, а потоа Стипе Миочиќ би можел да се бори против победникот од тој дуел.
Ако Џон Џонс остане цврст на своите барања, неговата иднина во УФЦ ќе биде неизвесна.
И, ако се договори судир меѓу Нагану и Луис, тогаш Коски ќе треба да се бори само со Миочиќ или неговиот одмор ќе биде продолжен.
