Хамзат Чимаев повторно потсети на себе минатиот викенд со убедливата победа над Ли Џинглијанг во УФЦ 267. Непоразениот борец во полусредна категорија испрати јасна порака до сите во категоријата: дека е подготвен да се бори со секого.
Чимаев рече дека сака борба со две од ѕвездите на организацијата – Хорхе Масвидал или Нејт Дијаз.
Чеченецот ги предизвика Масвидал и Дијаз на социјалните мрежи, но не доби одговор.
„Еј Дијаз, ајде да го направиме тоа“, рече Чимаев.
„Ајде. Малку ќе пушиш. Ајде да видиме кој е вистинскиот гангстер. Масвидал имаше титула во последниот меч. Не знам што точно. Сакам да земам сè од УФЦ. Сега јас сум УФЦ, брат“.
Едно од имињата го привлече вниманието на претседателот на УФЦ, Дана Вајт, кој рече дека Чимаев против Дијаз звучи многу добро.
„Овој човек е како ниеден друг што сум го видел досега“, му рекол Вајт на Чимаев и додава: „Тој има повеќе победи отколку примени удари во октагонот. Тоа е лудо. Во неговиот последен меч во живо на Инстаграм го пренесувавме излегувањето во октагонот и собори рекорди.
Ќе разговараме со Нејт за ова. Јас сум 100% заинтересиран да ја направам оваа битка“.
Дијаз има уште еден меч од договорот со УФЦ и веќе побара борба со Висенте Лук или Тони Фергусон. 36-годишниот спортист се врати во октагонот во УФЦ 263, каде загуби со судиска одлука од Леон Едвардс.
