Претседателот на УФЦ, Дана Вајт, рече дека подолго време работат на олеснување на ограничувањата за употреба на марихуаната кај ММА борците. Пред неколку дена, Нико Прајс и уште неколкумина негови колеги беа казнети од Спортската комисија за позитивен тест на марихуана за време на нивните борби.
Нико беше позитивен на тестот во борбата со Доналд Цероне, а Кевин Кром беше позитивен на марихуана пред неговата борба. Ова доведе до откажување на победата над Рузвелт Робертс. Дана Вајт смета дека ограничувањата треба да се намалат, но во исто време не постои ограничување за алкохолизирани борци да влезат во кафезот:
„Јас дури и не знаев дека Нико Прајс е казнет. Долго време работиме на промена на правилата за марихуана. Изненаден сум што се случи ова. Веројатно беа многу над нормалното. Дури и не знаев дека се казнети. Мислам дека не треба да има тестови.
Кога борците се натпреваруваат, тогаш треба да ги тестираат. Не можете да оставите некој во алкохолизирана состојба во кафез. Нема ограничување, се сеќавате ли? Да, не знам што да правам со тоа. Се обидуваме малку да ги олабавиме работите. На крајот на краиштата, не можете да дозволите некој да влезе пијан во кафез“, рече Вајт.
