200.000 долари во дополнителни бонуси ќе бидат распределени од Дaна Вајт и неговата организација. Ова стана извесно по завршувањето на гала вечерта УФЦ 271 која се одржа во Хјустон.
Во главната борба на настанот Израел Адесања го победи Роберт Витакер. Сепак, овој меч организаторите го пропуштија во однос на финансиски стимулации. Наместо тоа, победата на Даглас де Андраде над Сергеј Морозов беше прогласена за најдобра битка на вечерта. Бразилецот го одби противникот во средината на втората рунда, откако Русинот претходно доминираше во првата и беше блиску до нокаутирање. Двајцата ќе поделат по 50.000 долари за нивниот настап.
Со иста сума ќе си замине и Таи Туиваса. Австралиецот го нокаутира Дерек Луис, што беше изненадување, поради цврстите боксерски аргументи во корист на Црниот ѕвер.
Џаред Канониер исто така заработи бонус од 50.000 долари. Поранешниот борец во тешка и полутешка категорија веќе има 5 победи и 1 пораз во средна категорија. Го нокаутира Дерек Брансон, за што доби и бонус и признание од Дана Вајт. Тој го посочи за следен ривал на Адесања.
