Долгоочекуваниот реванш меѓу двајцата водечки тешкачи Дионтеј Вајлдер и Тајсон Фјури ќе се случи следната година. Боксерите потпишаа договор за борба, најави британскиот промотор Франк Ворен, иако не вети дека ќе ги прецизира датумот и местото.
Според Ворен, сето тоа зависи од времето на закрепнување на Фјури кое му е потребно по суровата битка во 12 рунди против Ото Валин. Големо е верувањето дека Тајсон морал да помине преку сериозни тешкотии за да постигне победа, но судиските картони поинаку кажуваа (118-110, 117-111, 116-112).
„Нема да дозволам меч со Вајлдер ако Фјури не биде целосно опоравен, во спротивно сè е потпишано. Ќе видиме колку време ќе закрепнува, а Вајлдер има борба против Луис Ортиз и мора да ја добие. Сè може да се случи во судир како овој, го видовме тоа со Џошуа и Тајсон“, рече Ворен.
