Поранешниот светски шампион во тешка категорија Дионтеј Вајлдер се обидува да го поттикне актуелниот светски шампион Александар Усик да се бори.
Украинскиот боксер моментално ги има титулите ВБА, ВБО, ИБО и ИБФ.
Бронзениот бомбардер истакнува дека едвај чека да влезе во рингот против Усик, посочувајќи дека Украинецот го избегнува мечот.
„Ја сакам таа борба, но тој не сака. Усик не е само малку исплашен, многу се плаши од тој меч“, изјави Деонтеј Вајлдер и додаде:
„Апсолутно сум подготвен за борба. Можеме да се бориме во секое време и на секое место“.
Усик го освои олимпиското злато во 2012 година на Игрите во Лондон и е поранешен апсолутен светски шампион во полутешка категорија.
Магазинот Ринг го избра Украинецот за најдобар боксер минатата година.
Вајлдер го загуби шампионскиот појас на ВБЦ во втората борба против Тајсон Фјури, а подоцна и во реваншот.
Американецот го критикуваше и Фјури за неговите барања кои доведоа до откажување на борбата против Усик за апсолутен шампион во тешка категорија.
Посочува дека нема да има посебни услови во евентуалните преговори за пресметка против Усик.
„Сите си ги ризикуваме животите, па ајде сите да добиеме дел од профитот“, нагласи Дионтеј Вајлдер.
А избраниците на Вајлдер по откажувањето на борбата меѓу Фјури и Усик изразија подготвеност да се борат со Украинецот.
Тренерот на Вајлдер, Малик Скот истакна дека Бронзениот бомбардер ќе го нокаутира Усик пред шестата рунда.
