Тајсон Фјури го живцира Дионтеј Вајлдер констатно нарекувајќи се вистински (линеал) светски првак во тешка категорија.
Фјури (28-0-1, 19 КО) тврдењето го поткрепува со победата во 2015 година против Владимир Кличко со кој освои четири појаси кои никогаш не ги загуби во рингот.
Линел титула не подразбира никаков физички појас туку таа титула му припаѓа на неприкосновениот шампион, односно оној што го победил неспорниот шампион.
„За мене тоа е глупаво, тој линел наслов. Се обидуваат да создадат нешто ново во боксот. Кога некогаш видовме линеал шампион да се бори 12 рунди за невидлива титула? Тој нема ништо. Сè што велат тие е „вистински, вистински“. Што навистина значи тоа? Тоа навистина не значи ништо“, рече Вајлдер.
„Тоа е тажно. Но, ќе се повлечам и нема многу да зборувам многу. Нека се држи атмосферата сè додека не дојде моментот. Потребно е некако да ги заинтересираме луѓето. Има обожаватели кои ги забавува ова што се случува. Имате навивачи да се забавувате од тоа што се случува. И имате обожаватели кои гледаат преку тоа. Но, сèто тоа создавање на атмосфера за втората борба. И вистината ќе се открие во рингот во вечерта на борбата, тоа е сигурно“.
Откако првата борба минатиот декември заврши со нерешено, Фјури и Вајлдер по втор пат во рингот би требало да се најдат на почетокот на следната година.
Претходно и двајцата мора да одработат по уште една борба. Вајлдер ќе ја брани титулата на ВБЦ по 10 пат во реваншот со Луис Ортиз, додека Фјури во септември ќе се бори со Швеѓанецот Ото Волин.
