Поранешниот шампион на ВБЦ во тешка категорија, Дионтеј Вајлдер го прекина молкот. 35-годишниот Американец го повика Тајсон Фјури да ја прифати трилогијата, да не се обидува да го прекрши нивниот договор. За прв пат по подолго време, Вајлдер зборуваше на социјалните мрежи и инсистираше на својата теорија дека Фјури има скриено оружје во ракавицата, што му остави вдлабнатина во главата.
Дионтеј објави видео на социјалните мрежи, а потоа напиша уште неколку објави. Вајлдер се закани дека ќе возврати и копнее за одмазда. Фјури му го нанесе првиот пораз на почетокот на оваа година, сопирајќи ја низата од 42 победи за Дионтеј.
„Фјури, биди маж и почитувај го договорот. Каква е оваа глупост за борба против Такам наместо со мене? Кога минуваше низ тешки моменти, ти реков да се стегнеш и ќе ти дадам шанса за титулата. Јас сум човек со збор и ти дадов шанса. Кога досудија нерешено, реков дека ќе ти се реванширам.
Знаеш дека ми понудија повеќе пари за да се борам против Џошуа, но го одржав зборот. Во втората битка имаше клаузула за реванш. Сега е време да покажеш дека си маж и да прифатиш, а не да се обидуваш да бегаш од договорот. Кукавиците бегаат, а оваа кукавица го раскинува договорот. Кучка!
Она што не го разбираш, крадец, е она што го правеше мојот народ порано. Во првата борба, Рики Хатон ја повлече твојата ракавица за да ја стави тупаницата во погрешна позиција. Ти го стори тоа и во втората борба, но овој пат гребеше месо од ушите и предизвика крварење.
Невозможно е сосема нова ракавица од 10 унци да се свитка или задржува во смачкана форма или да има слободен простор. Силно верувам дека ставивте нешто во ракавицата, нешто со големина и форма на јајце. Ова е причината што моето лице отече во форма на јајце. Ова ми направи дупка во лицето, но се уште не можеш да го скршиш кралот. Требаше да ме убиеш.
На крајот, требаше нелојален тренер да фрли пешкир за да ме запре. Може да се најдат изговори од крадец кој краде затоа што е гладен, но ако биде фатен, ќе мора да врати седум пати повеќе од украденото, дури и ако треба да продаде сè што е во неговата куќа. Налатата доаѓа!“, напиша Вајлдер на социјалните мрежи.
https://twitter.com/BronzeBomber/status/1322616633039286272?ref_src=twsrc%5Etfw%7Ctwcamp%5Etweetembed%7Ctwterm%5E1322616633039286272%7Ctwgr%5Eshare_3&ref_url=https%3A%2F%2Fcdn.embedly.com%2Fwidgets%2Fmedia.html%3Ftype%3Dtext2Fhtmlkey%3Dcb7145f1731b4c328f8e4d2201854ceaschema%3Dtwitterurl%3Dhttps3A%2F%2Ftwitter.com%2Fbronzebomber%2Fstatus%2F1322616633039286272image%3D
