Утре почнува „Златен гонг“ – Ален Рустемовски и Енис Алиу стартуваат од полуфинале

Утре во Скопје во малата слата на СЦ „Борис Трајковски“почнува 54.Меѓународен боксерски турнир „Златен гонг“. На турнирот се пријавени 46 боксери од 8 држави, а Македонија ќе настапи со шест боксери.

За Македонија ќе настапат: 60 кг Ален Рустемовски, Адријан Рустемовски, Стефан Петрушевски, 70 кг
Наум Стојаноски, 75 кг Енис Алиу и 80 кг Никола Кисковски. Репрезентацијата ќе ја предводи искусниот боксерски тренер Насер Харуни.

Покрај нашите боксери на рингот во Скопје публиката ќе може да види учесници од Англија, Шведска, Турција, Австрија, Словенија, Бугарија, Хрватска и Молдавија. Турција доаѓа со боксер кој е трет на СП.

Вечерва е направено жребувањето за полуфиналните борби кои ќе почнат во 13 часот.

Од нашите боксери утре ќе настапат Ален Рустемовски, сребрен медалист од ЕП У-23, и Енис Алиу.

Во Скопје е стигнат делегатот на турнирот Драгољуб Радовиќ.

Полуфинале Златен гонг:

55 кг Емануел Коцо (Албанија) – Имара Абделрахман Хасан (Австрија)

55 кг Алвин Варукага (Шведска) – Кристијан Коцо (Албанија)

60 кг Ален Рустемовски (Македонија) – Патрик Вредер (Шведска)

60 кг Џозеф Тарнер (Англија) – Билал Сахел (Австрија)

70 кг Емин Јилдиз (Австрија) – Румен Руменов (Бугарија)

70 кг Марк Лукачич (Словенија) – Лехцун Антон (Молдавија)

70 кг Кевин Скот (Шведска) – Рио Гордон (Англија)

75 кг Бондари Игори (Молдавија) – Алперен Јилмаз (Турција)

75 кг Енис Алиу (Македонија) – Даврон Бозоров (Молдавија)

80 кг Бруно Филипчиќ (Хравтска) – Лаки Аимуфуа (Австрија)

85 кг Дивин Омојор (Англија) – Илија Валигурски (Молдавија)

90 кг Акинола Тијани (Англија) – Андреј Заплинај (Молдавија)

Борбите ќе се одржат во СЦ „Борис Трајковски“ во Скопје, во сабота е полуфиналето со почеток во 13 часот, а во недела финалето во 15 часот.