Психолошките игри меѓу Тајсон Фјури (34-0-1) и Aлександaр Усик (21-0) траат повеќе од една година. Средбата меѓу нив дури еднаш беше одложена, а тоа особено ги налути љубителите на боксот, кои почнуваат да го губат трпението. Украинецот уште еднаш го повика противникот да престане со врескањето и да го пречека таму каде што е важно – во рингот.
„Како личност, мислам дека е одличен. Тој е и голем човек, татко и семеен човек. Како спортист, тој е исто така брилијантен. Едноставно не го прифаќам постојаното зборување наместо да дејствува. Целиот свет сака да ја види оваа борба и треба да им ја дадеме. На луѓето им здодеа од зборување. Мораме да дејствуваме наместо да зборуваме“, рече Усик за Боксинг ТВ.
Повредата на Џипси Кинг сè уште предизвикува многу дебати за тоа дали станува збор за смешен инцидент или инсцениран за да се промени датумот на мечот за титулата.
Последната промена е за 18 мај во Ријад. Шеикот Турки дури стави клаузула во нивните договори дека во случај на ново одложување, боксерот одговорен за тоа ќе мора да плати казна од 10 милиони долари. Ова треба да биде доволна гаранција дека за точно три месеци ќе го имаме првиот неприкосновен шампион по 24 години.
