Две од најголемите имиња во тешка категорија на УФЦ во последната деценија – Алистeр Оверем и Жуниор дош Сантос – веќе не се дел од најелитната ММА организација.
Веста беше потврдена од голем број американски страници и од самиот Бразилец.
„Благодарам УФЦ за извонредните 12 години. Да се биде шампион во тешка категорија и да го бранам појасот беше голема чест за мене. Благодарност до сите мои противници, фанови и критичари“, рече Јужноамериканецот на својот Инстаграм профил.
37-годишниот Бразилец ги загуби последните 4 меча во октагонот, а последната победа датира од март 2019 година.
Истата судбина го снајде и поранешниот шампион на „Страјкфорс“, „Дрим“ и К-1 – Алистер Оверем.
As well as Junior Dos Santos, Alistair Overeem has also had his contract terminated by the UFC. Wow. pic.twitter.com/WkJ7iHdL3C
— Lewis Simpson (@LewisSimpsonMMA) March 4, 2021
Холанѓанецот беше на пат кон титулата во тешка категорија, но поразот од Александар Волков минатиот месец ги расипа неговите соништа. 40-годишниот ветеран има добиено 4 од последните 8 средби и го напушта УФЦ откако таму помина 10 години.
„Рем“ и „Цигано“ засекогаш ќе останат во историјата како двајца од седумте тешкашки борци на УФЦ кои имаат повеќе од 20 натпревари за организацијата.
Двајцата се сретнаа во 2015 година, а победата му припадна на Алистер.
