Многумина беа скептични за враќањето на Мајк Тајсон во рингот. Легендарниот „Железeн“ ќе се врати во рингот на 20 јули (седми месец), а противник ќе му биде Џејк Пол, некогаш Јутјубер, а сега боксер. Пол е 31 година помлад од Тајсон, тој е на врвот на силите и постигнува добри боксерски резултати, додека Тајсон во овој меч ќе влезе како 58-годишен, далеку од своите најдобри боксерски денови.
Сепак, видеата од тренингот на Тајсон кои кружат на социјалните мрежи ги израдуваа љубителите на боксот. Мајк е во добра форма, а неговиот фокус е поразителен и молскавично брз. Секако, тоа не е Тајсон од неговите помлади денови, но Мајк изгледа како некој што може подеднакво да боксира со Пол.
Се гледа дека Тајсон се уште погодува силно, а доказ се зборовите на Рафаел Кордеиро, познатиот бразилски тренер. Кордеиро е всушност личноста која го држи Мајк Тајсон фокусиран и го подготвува за мечот против Пол. Рафаел работи со Тајсон веќе неколку години и добро ја познава разорната моќ на неговите удари.
„По првиот тренинг со него го повредив рамото. Шест или седум месеци не можев да го задржам фокусот на борците во мојата теретана. Десното рамо ми беше во голема, голема неволја и морав да одвојам слободно време за да го излечам рамото и да направам физикална терапија.
Да се задржи фокусот на Тајсон е нешто сосема друго. Начинот на кој реагира, преминот од голема на кратка дистанца го прави во секунда. Понекогаш велам „1-2-3“ и веќе е внатре. Ако не се вратам назад, о Господи. Невозможно е да останам мирен, морам да се вратам назад.”, изјави Кордеиро како гостин на ММА часот.
‼️ Here's some footage of Mike Tyson on the Pads at 57 years old 🥊👀 pic.twitter.com/eFvzv5gMlt
— IFN (@IfnBoxing) March 7, 2024
Според познатиот тренер, јавноста не треба да биде загрижена за настапот на Тајсон на мечот против Џејк Пол. Кордеиро истакнува дека Мајк Тајсон не е некој што го заборавил боксот и откри дека Тајсон веќе е во одлична форма.
„Мислам дека луѓето навистина не треба да се грижат. Зборуваме за тип кој стана (светски) шампион во два наврати. Знае да се бори и се бореше со најдобрите на светот. Кога Тајсон ќе влезе во рингот, знае што да прави. Ова не е ништо ново за Мајк и оваа борба не се разликува.
Мајк работи напорно секој ден и ќе даде се од себе за да го нокаутира Џејк. Тоа е само негов стил. Никој не мора да го учи Мајк Тајсон како да се бори и во јули ќе докаже дека се уште е ист. Мајк Тајсон ќе влезе во рингот како стариот Мајк Тајсон и од првата секунда до последната ќе бара нокаут.
Тој е веќе во форма. Започнавме со рунди на тренинзите, а неверојатно е да се види како се фокусира на ударот. Тој е чудовиште. Она што можам да ви гарантирам е: Мајк ќе го добие Џејк. Речиси е невозможно Мајк да не го удри. Ќе видиме како Џејк ќе реагира на тоа.“, вели Кордеиро, очигледно сигурен во победата на „Железниот“ Мајк.
Се надеваме дека зборовите на Кордеиро имаат тежина во овој случај и дека тоа не е само промоција на борбата, односно измама со која Кордеиро се обидува да не убеди дека мечот меѓу Тајсон и Пол сепак има смисла. Мајк Тајсон дефинитивно не го заборави боксот, но никој не може да ја победи возраста која навистина го достигнува Тајсон.
You still wanna f*** with me?#PaulTyson pic.twitter.com/CqdKF4zFBJ
— Mike Tyson (@MikeTyson) March 16, 2024
