Тренерот на Ислам Махачев го промени мислењето за преметката со Илија Топурија

Во декември, долгогодишниот тренер на Ислам Махачев, Хавиер Мендез, ја отфрли можноста за борба со Илија Топурија кога тогашниот шампион во пердувеста категорија на УФЦ најави премин во лесна категорија. Но, Мендез оттогаш се предомисли, особено откако Топурија беше на врвот на ранг-листата на УФЦ.

Во неодамнешно интервју за ММА џанки Мендез беше прашан дали борбата со Топурија повторно е на маса.

„Ова е борба број еден. Другата беше Џон Џонс против Том Аспинал, но сега, ако Ислам победи, борбата што треба да се одржи е Топурија против Ислам. Ми се допаѓа она што го прави (Илија)“, рече Мендез.

„Одлично си ја врши работата во наведувањето на луѓето да сакаат да ја гледаат оваа борба. Колку повеќе го прави тоа Илија, толку повеќе расте интересот. Ми се допаѓа сè што покажува како борец“.

„Многу е силен и не се грижи за категоријата во која ќе се бори“, додаде тој, објаснувајќи зошто времето е совршено за можна мегаборба меѓу Махачев и Топурија:

„Мислам дека ова сега е одлична борба за нас. Првото нешто што Ислам го сакаше беше борба за наследство – тој ја сакаше титулата во полусредна категорија“, рече Мендез.

„Ако ја освоиме оваа титула, можеме да се спуштиме или тој може да се искачи. Тоа е мое мислење, но нема да се случи ако УФЦ не го одобри тоа. И прво мора да победиме“.

Се очекува подоцна оваа година Махачев да се соочи со Џек Дела Мадалена, иако УФЦ сè уште официјално не ја објави борбата. Махачев постојано ја изразуваше својата желба да се бори со Мадалена на историско место, а по неодамнешните изјави на Хабиб Нурмагомедов, се чини дека тој сон е на пат да стане реалност.