Актуелниот шампион на УФЦ, 32-годишниот Хабиб Нурмагомедов, на крајот на октомври објави крај на кариерата. Непоразениот Дагестанец по победата против Џастин Гејџи изјави дека се пензионира затоа што по смртта на неговиот татко и ветил на својата мајка дека нема повеќе да се бор.
Шампионот во лесна категорија никогаш не покажа интерес да направи барем уште една борба за да заокружи одличен скор 30-0. Така, Хабиб најверојатно ќе остане на 29-тата победа во професионалната кариера.
Неодамна, шефот на УФЦ, Дана Вајт, се обиде да убеди Дагестанец да се врати, но не успеа да ја промени одлуката на Хабиб. Тренерот Хавиер Мендез не верува дека шампионот ќе се врати во борбите.
„Сè е можно, но треба да се води вистинска борба. Потоа, постои можност да разговара со мајката и да се добие согласност. Додека не се појави вистинска понуда, веројатно ништо нема да се случи“, рече тренерот на Хабиб, Хавиер Мендез и додаде:
„Мислам дека треба да биде Жорж Сент Пјер, ниту една друга дополнителна победа не би му донела ништо на Хабиб. Можеби Дана можеше да стори нешто доколку Мек Грегор го победеше Пориее во последната борба. Кој знае што би сторил Хабиб ако Конор беше вистински, но тоа сега е надвор од игра“.
Жорж Сент Пјер (39) е поранешен шампион во УФЦ и е еден од најголемите борци на сите времиња. Кариерата ја заврши во 2017 година со победа против Мајкл Биспинг. Хабиб во текот на кариерата неколку пати изјави дека сака да се бори против легендата на канадското ММА.
