На 3 јули во Атина, Грција, Тоше Цветков, ќе има меч со Хилиас Спациотис на настанот „Брејв фајт најт“ по правила на К-1 во категоријата до 90 килограми.
Цветков со Спациотис требаше да се сретне на 4 јуни Петрич, Бугарија, но од непознати причини ја откажа борбата.
„Добро се чувствувам. Подготвен сум ќе дадам се од себе да го нокаутирам, бидејќи сум свесен каде одам и ако остане борбата да се решава бодови се знае каков ќе биде крајниот епилог. Така, не сакам да ја оставам работата во рацете на судиите. Ќе дадам максимум да го нокаутурам што побрзо“, вели Цветков.
Од аголот ќе помагаат и ќе му даваат совети ММА и самбо борецот, Ристо Димитров – Чурино и Александар Петковски – Аки, кој има доволно искуство во боречките спортови.
„Со Господ напред, се надевам дека победата ќе ја донесеме во Македонија“, истакнува Тоше.
Ipon.mk/В. Д.
