Тони Белју во мај забележа победа против Дејвид Хеј, а потоа се сврте кон Тајсон Фјури – уште едно големо име во боксерските кругови, кое неодамна се врати во рингот.
Поранешниот шампион на ВБЦ е свесен за предностите на Фјури, но сепак е уверен дека ќе може да извојува и втора победа.
„Јас сум сериозна закана за Тајсон“.
„Сигурен сум дека мислел оти сум лесен противник пред да види што направив со Дејвид Хеј, а потоа сигурно се премислил“.
„Никој не му го направил тоа на Хеј што успеав јас. Здраво го намавав и ја добив средбата на брутален начин. Никој не го направил тоа“.
„Успеав два пати да се докажам против него“.
„Ако имаме меч со Фјури, ќе бидам брз и безмилосен – исто како што бев против Хеј во реваншот“.
Белју воопшто не е импресиониран од изведбата на Фјури против Сефер Сефери и смета дека 29-годишниот боксер воопшто не е подготвен.
Фјури очекува да се врати во рингот во август, а Белју го повика да се обиде со посериозен противник.
„Тоа беше циркус, а противникот беше смешен, но речиси три години беше отсустен-дозволено му е да има таков настап“.
„И вториот противник да не е таков. Не велам дека треба да се бори со некој од топ 10, но барем нека е против некој што го знаеме“.
„Се чинеше дека Сефери е симнат од планина – немаше поим каде се наоѓа“.
„Среќен сум што Тајсон сповторно е во игра. Мило ми е што успеа да си го среди животот – тој е добар човек. Ми се допаѓа. Не ме сфаќајте погрешно, со ракавици директно би го гаѓал во главата“.
