Боксерскиот коментатор Тони Белју верува дека Александар Усик повторно ќе го победи Тајсон Фјури во реваншот на 21 декември.
Двајца од најголемите тешкаши на денешницата кон средината на мај се изборија за обединување на појасите во тешка категорија, а Украинецот со поделена одлука го победи Џипси Кинг.
Фјури доминираше во првиот дел од борбата, а откако го преживеа бруталниот напад на Усик во деветата рунда, кога и тој беше соборен, не направи доволно за да победи.
Украинскиот борец беше одличен во другите три рунди и Белју, поранешниот противник на Усик, верува дека Александар може повторно да биде успешен против Тајсон кога тие повторно ќе се сретнат во рингот.
„Искрено, верувам дека Усик ќе победи. Фјури нема да има одговор за него, а поразот ќе биде убедлив. Ќе загуби уште еднаш и многу почисто од првиот пат“, изјави Тони Белју и додаде:
„Затоа што Усик овојпат ќе оди со задната нога, а тоа е најлошиот кошмар на Тајсон Фјури, бидејќи не може да го контролира. На првиот меч цело време го притискаше, шеташе по рингот и го малтретираше“.
