Тијаго Сантос (22-9) ја прекина серијата порази со победата против Џони Вокер (18-6). Бразилскиот ММА борец го совлада својот сонародник со едногласна одлука на судиите на УФЦ Фајт најт 193 во Лас Вегас.
Поранешниот предизвикувач за титулата во полутешка категорија имаше три порази по ред, загуби од Џон Џонс, Гловер Тешеира, а во последниот меч во март Александар Ракиќ беше подобар од него.
Овој меч беше од големо значење за Сантос, а со победата сега ја врати самодовербата што многу ќе му треба во продолжението на кариерата.
Многумина сакаа нокаут, но Слејџхамер ја заврши борбата тактички совршено и не преземаше премногу ризици.
Успеа да зададе неколку тешки удари во текот на средбата со што направи разлика и им ја олесни работата на судиите кои на крајот да му дадоа предност на Сантос.
Слејџхамер веднаш по борбата го прозва Чехот Јиржи Прохаска.
„Јиржи мисли дека брада му е направена од камен, а тоа е затоа што не се борел со чекан“, рече Тијаго Сантос.
Чешкиот борец пристигна во УФЦ од Ризин во јули 2020 година и стигна до две убедливи победи во два настапи. Тој со нокаут ги победи Волкан Оездемир и Доминик Круз.
Во моментов Прохаска е резервен борец за борба за титулата во тешка категорија меѓу Јан Блахович и Гловер Тешеира на настанот УФЦ 267 што ќе се одржи на 30 октомври во Абу Даби.
Борбата за титулата на УФЦ Фајт најт 193 во Лас Вегас меѓу Кевин Холанд и Кајл Даукаус заврши со „без одлука“.
Нико Прајс го победи Алекс Оливеира со едногласна одлука на судиите, додека Кшиштоф Јотко со поделена одлука беше подобар против Миша Циркунов.
Во мечот што ја отвори главната програма Александар Ернандез го победи Мајк Бриден со нокаут во првата рунда.
Резултати – УФЦ Фајт најт 193:
Тијаго Сантос – Џони Вокер-едногласна одлука (48-47, 48-47, 48-47)
Кевин Холанд – Кајл Даукаус – без одлука (случаен судир на глави), Р1 (3:43)
Нико Прајс – Алекс Оливеира – едногласна одлука (29-28, 29-28, 29-28)
Кшиштоф Јотко – Миша Циркунов – поделена одлука (29-28, 28-29, 29-28)
Александар Ернандез – Мајк Бриден – КО (удар), Р1 (1:20)
Воведни борби:
Џаред Гордон со пораз Џо Солецки – поделена одлука (28-29, 29-28, 29-28)
Кејси О’Нил – Антонија Шевченко – ТКО (удари), Р2 4:47
Керол Роза – Бет Кореја-едногласна одлука (30-27, 30-27, 30-26)
Џејми Муларки – Девонте Смит – ТКО (удари), Р2 (2:51)
Даглас Силва де Андраде – Гаетано Пирело – КО (удар), Р1 (2:04)
Стефани Егер – Шана Јанг – ТКО (лакт), Р2 (2:22)
Алехандро Перез – Џони Едуардо – завршница (скарф холд заклучување), Р 2 (4:13)
