Судирот меѓу двајца британски боксери, шампионот на ВБЦ, Тајсон Фјури и предизвикувачот Дилиeн Вајт, треба да се случи на 23 април на Вембли.
Џипси Кинг започна со сериозни тренинзи, а првиот дел од подготовките ќе се одвива во салата БоксиКју во Дубаи.
На социјалните мрежи е објавено видео од теретана каде Фјури тренира на фокусери, а кога ќе почне да удира изгледа фантастично без разлика на вишокот килограми.
Сега му претстојат неколку недели тешки подготовки и нема сомнеж дека ќе биде во топ форма за мечот.
„По 15 рунди во рингот со Џозеф Паркер, Роки Филдинг, Дин, Дерил Хол и Каи Ричмонд, Тајсон конечно тренираше со фокус. Тој човек е вистинска машина. Ви благодариме што дојдовте во салата, тоа е ден кој нема да го заборавиме“, стои во соопштението.
