Носителот на шампионскиот појас на ВБЦ, Тајсон Фјури, изминативе недели побара меч против Ентони Џошуа, потоа во комбинациите беа Мануел Чар и Дерек Чисора, а сега повика уште еден тешкаш.
„Џипси Кинг“ ја имаше последната борба ова лето кога во шестата рунда го победи Дилиен Вајт со нокаут.
По тој меч објави дека се повлекува, а тоа го повтори неколку пати.
Откако Александр Усик уште еднаш го победи Ентони Џошуа во реваншот и ги одбрани појасите на шампионот во тешка категорија на ВБА, ВБО и ИБФ, Фјури побара меч против Украинецот.
Усик одговори дека тоа може да се случи дури на почетокот на следната година, по што Тајсон почна да бара друг противник.
Фјури сега го насочи своето внимание кон друг боксер – Крис Хили (34), британски шампион во тешка категорија (Централна област), кој има девет победи и 12 порази.
Хили го победи Дени Витакер во реванш од десет рунди минатата година пред да ги загуби последните четири. Во септември Џеј Мекфарлан беше подобар од Крис.
„Ги имам освоено сите појаси во боксот, освен еден, а тој појас е Централната област, првенство на Британија во тешка категорија“, изјави Тајсон Фјури во објава на Инстаграм и додаде:
„Го повикувам шампионот на Централната област во тешка категорија. Те викам да влезеш во рингот, бидејќи тоа е мојот појас! Го сакам! Не разбрав! Тоа е единствениот појас што сè уште не сум го освоил, а го сакам. Доаѓам по него кој и да го има дома“.
Дали Крис Хили ќе ја прифати поканата за најголемиот меч во кариерата?
