Повеќекратниот светски шампион во кик бокс и тајландски бокс – Алексеј Куџин, кој исто така има натпревари во ММА и во боксерскиот ринг e осуден на 2,5 години затвор. Тој беше прогласен за виновен од судот во белоруската област Малаџиехна. Причината e неговото учество во протестите против изборот на претседател на Белорусија минатата година.
Куџин беше приведен во Русија претходно оваа година и екстрадиран во својата татковина. За време на протестите, тој удри полицаец и поручник од локалната полиција. Инцидентот се случи во август 2020 година.
Куџин првично беше приведен во Жоџина. Подоцна му беше одреден домашен притвор, но кога го викнаа на судење на 19 ноември, борецот никогаш не се појави и наместо тоа побара азил во Русија. Во јануари оваа година, сепак, беше приведен во Москва на барање на белоруските власти.
За време на сослушувањето за екстрадиција во главниот град на Русија, беше организиран протест пред судот. Околу 300 луѓе учествуваат на протестот, тие поднесуваа и петиција за Куџин да остане во Русија. Сепак, на крајот тоа не се случи. Како резултат на тоа, поранешниот светски шампион сега ќе биде во затвор со минимални безбедносни мерки во период од 2,5 години. Максималната казна за неговите постапки е 5 години.
