На поранешниот шампион на УФЦ во тешка категорија, Каин Веласкез, ќе му се суди за обид за убиство на 9 септември во округот Санта Клара, Калифорнија, објави ММА фајтинг.
Веласкез (41) беше уапсен откако, наводно, тргнал во бркање со голема брзина на автомобилот во кој се наоѓал Хари Гуларте, маж обвинет за сексуално злоставување на неговиот син во дневен престој во сопственост на мајката на Гуларте. Веласкез, наводно, испукал неколку куршуми од пиштол во возилото, при што очувот на Гуларте, Пол Бендер, бил погоден со куршум, но како резултат на тоа се здобил со повреди кои не се опасни по живот.
Веласкез се соочува со повеќе обвиненија, вклучително и обид за убиство, што предвидува минимална казна од 20 години или до доживотен затвор доколку биде прогласен за виновен.
