На големиоот Меѓународен меморијален турнир „Петре Сираков“, што вчера се одржа во Софија, Бугарија, членот на Балканец од Штип, Стефан Никовски постигна убав успех, можеби најголем во својата кариера. На овој престижен јуниорски турнир, Стефан Никовски настапи во категоријата до 86 килограми.
Во оваа категорија учествуваа 14 борачи од целиот свет. Во првото коло, Стефан Никовски направи подвиг, победувајќи го репрезентативецот на Јапонија со 7-6, во драматичен меч. Во второто коло, Никовски беше убедлив и со 5-2 го совлада репрезентативецот на Кипар..Во преостанатите две средби, Никовски загуби од бугарски борачи и на крајот мораше да се задоволи со 5 место во својата категорија.
Во секој случај, ова е успех на македонскиот борач.
Ipon.mk/К.М.
