Американецот Кајл Снајдер е новиот шампион во слободен стил до 97 килограми на Меѓународниот турнир во борење „Иван Јаригин“ во Красојарск, Русија, помеѓу 26 и 30 јануари.
Во последната борба од натперварот до 97 килограми, Снајдер, кој победи на натпреварите во 2017 и 2018 година, го победи шампионот од 2019 година Шамил Мусаев со 3-8.
Со победата стана првиот Американец кој трипати победил на турнирот.
„Турнирот Јаригин е многу добро натпреварување. Со секое изминато време сакам да доаѓам во Русија се повеќе и повеќе. Сакам да доаѓам во Сибир и имам среќа што сум трикратен победник на турнирот. Иван Јаригин е многу познат борач, тој е неверојатно популарен кај нас (во САД) и особено ме радува што е претставник на полутешка категорија“, изјави Снајдер во интервјуто по победата.
Олимпискиот шампион беше прашан и дали знае дека неговиот најголем противник Абдулрашид Садулаев ќе го пропушти натпреварувањето.
„Дефинитивно. Со Абдулрашид редовно комуницираме, а тој ми испрати порака дека се подготвува за ЕП без репрезентацијата. Ми напиша: Кајл, не се лути – лесно ќе победиш (се насмевнува). Но, за мене не е толку важно дали Садулаев ќе учествува или не. Турнирот Јаригин е еден од најдобрите турнири во светот и секогаш ми е интересно да се натпреварувам овде, да се тестирам со оние кои тренираат со Садулаев. Летав овде толку долго за да го освојам турнирот. Не знам кога следниот пат ќе дојдам во Русија, но дефинитивно можам да кажам дека ќе дојдам“, заклучи тој.
