Многумина се оние на кои нешто им беше сомнително при официјалното мерење за УФЦ 254, а славниот нутриционист Мајк Долче е еден од оние што не се двоумеше јавно да го сподели своето мислење.
Сите можевме да видиме дека актуелниот шампион на УФЦ во петокот не изгледаше идеално. Хабиб Нурмагомедов мораше се да соблече од себе и дури тогаш беше точен на горната граница во лесна категорија (70,3 кг). А штом го доби знак дека ‘поминал’, Нурмагомедов не можеше да сокрие изразот на лицето на олеснување. Сепак, не беа сите убедени дека пред настанот УФЦ 254 сè беше регуларно.
Мајк Долче, инаку човек на кого многу познати личности од светот на ММА му се обраќаат за совет за слабеење, еден е од тие и тој тврди дека на островот Јас се случило нешто „многу вознемирувачко“.
“Нешто многу вознемирувачко се случи на мерењето за УФЦ 254. Што се случи? Кога Хабиб стапна на вагата, службеникот или поради неговата неспособност или намерно направи огромна, можеби десетици милиони долари скапа грешка. За жал, според мое стручно мислење, не верувам дека Хабиб ќе беше исправен во тој обид. Сега, Хабиб беше прв на вагата и ќе имаше време да го симне вишокот ако беше физички способен за тоа, но кога ќе го погледнете неговиот јазик на телото … Ќе објаснам на видеото зошто не може да го направи тоа“, започна Долче во видеото што се појави на неговиот Јутјуб канал.
Во овој видео материјал Долче посочува дека службеникот што управувал со вагата дејствувал премногу брзо, односно дека не чекал да се избалансира рамнотежата.
„Погледнете како рачката е во нагорна траекторија, а таа мора да балансира. Се крева нагоре. Тоа значи дека е тежок, а (службеникот) го поместува настрана додека се уште се крева. Не се одби и не се стабилизира во центарот. Тоа не е правилно“, заклучи Долче.
Погледнете го видеото и кажете ни дали е направена (не) намерна грешка?
