Шампион во џиу џицу совлда и задржа насилник кој нападна 14-годишно девојче (ВИДЕО)
Иван Скоко, носител на црн појас во бразилско џиу џицу, го запре насилникот кој нападна 14-годишно девојче во лондонското метро. Шампионот во бразилско џиу џицу, Скоко, брзо интервенираше и го задржа осомничениот додека не пристигна полицијата. Полицијата ги пофали постапките на Скоко.
Иван Скоко, хрватски шампион во бразилско џиу џицу кој тренира и предава во Лондон, одеднаш слушнал викање. Скоко штотуку завршил со тренинг во Елефант парк кога наишол на опасна ситуација на станицата на метрото Бороу. Девојче, само 14-годишно, било жртва на напад. Скоко не се двоумел и го соборил осомничениот на земја за неколку секунди.
„Реков: „Не мрдај“, рече Скоко подоцна.
На видеото од инцидентот, може да се слушне како осомничениот вели:
„Не сакам да те избодам, брате“.
Подоцна беше откриено дека човекот носел ‘рѓосан чекан и два украдени телефони. Скоко, кој освои злато на Британскиот опен во тешка категорија претходно оваа година, им рече на полицајците дека дејствувал од чувство на одговорност.
„Направив она што секој треба да го прави. Ги заштитуваме жените, децата и старите лица“, рече Иван.
Полицијата пристигна 25 минути подоцна. Скоко остана смирен и ги држеше работите под контрола сè додека не пристигнаа. Ова не беше прв пат да биде вмешан во вакви ситуации. Тој вели дека интервенирал во слични ситуации повеќе од десетина пати. Според Скоко, тоа е јасен сигнал дека повеќе луѓе треба да научат самоодбрана.
„Ако имате 10 луѓе како мене на улица, ние сме заштитата што ѝ е потребна на соседството. Станува збор за контрола, а не за агресија“, рече тој.
Полицијата сè уште го истражува инцидентот.
A man in Moorgate, London sexually assaulted a 14 year old girl.
Good Samaritan and BJJ black belt Ivan Skoko quickly subdued the assailant and held him for the police.
The importance of good training and a good heart 👏 pic.twitter.com/uuUHwhgGoC
— BJJotter (@JiujitsuOtter) December 7, 2025
