Поранешниот шампион на УФЦ во две различни категории Жорж Сент Пјер сè уште нема добиено никаква понуда за евентуална борба со Хабиб Нурмагомедов.
Непоразениот Дагестанец изрази желба да се сретне со Сент Пјер на почетокот од следната година. „Орелот“ сака да го исполни сонот на покојниот татко, кој сакаше да види борба меѓу нив. Дана Вајт даде зелено светло за ваква битка, но сè уште не стапил во контакт со легендарниот борец од Канада.
Чисанга Малата, новинар на „Дејли Стар“, рече дека имал разговор со Сент Пјер, кој рекол дека нема понуда и дека не е сигурен дека ќе прифати ако се појави. Нурмагомедов ја чека борбата со Џастин Гејџи на крајот на октомври во Абу Даби, каде ќе се обиде да го зголеми скорот на 29-0 во ММА. Сент Пјер не престанува да зборува за борбата со Хабиб, но потенцира дека нема да биде ефтина и понудата треба да биде тешка за одбивање.
Just off the phone with the 🐐…Georges St-Pierre.
He told me the #UFC “have not made me an offer yet” over a potential Khabib Nurmagomedov fight and he's unsure if he’ll take it.
Full interview will drop next week on the Daily Star, Daily Express, #ShotsFired & my YouTube. pic.twitter.com/qsOMGn2Gzg
— Chisanga Malata (@Chisanga_Malata) August 26, 2020
