Најверојатен следен противник за Александар Усик е Даниел Дубоa. Украинецот беше насочен кон Ентони Џошуа, но во моментов шансите да се сретнат напролет се близу нула.
Промоторот Френк Ворен ја објасни ситуацијата и зошто Дубоа треба да се бори против Александар:
„Даниел Дубоа е број 2 на ранг-листата на Светската боксерска организација (ВБО), а Усик е задолжителен предизвикувач. Знам, од таборот на Џошуа дека напролет веројатно ќе го ослободат појасот за да организираат супермеч со Тајсон Фјури“.
„Ако се случи тоа, Даниел ќе се бори против Усик. Ќе дадам се од себе да им го дадам овој меч на навивачите“.
Во моментов, шансите Џошуа да ги направи сите потребни одбрани постојано изгледаат премали. На 12 декември, Еј Џеј ќе има задолжителен тест со Кубрат Пулев за појасот на ИБФ.
Тогаш нема да има пречки за него и за Фјури да организираат две битки во 2021 година.
Единствениот детаљ е дека една од титулите мора да се ослободи во името на мултимилионските спектакли.
Усик (18-0) и Дубоа (15-0) досега немаат пораз и се меѓу најжешките имиња во тешка категорија. Украинецот има уште што да докаже по успехот на Дерек Чисора, а неговиот противник, кој е скоро 10 години помлад, сè уште се пробива во топ 10.
